LUNZADI LUA BIANZA BIPELUKA BIA MARIA

LUNZADI LUA BIANZA BIPELUKA BIA MARIA

* Kutuadija ne masambila aa: Ditabija, Taatu wetu, Moyi Maria 3, Mvidi Mukulu atumbe, Yezu wetu we!

* Kumanyisha malu masokoma a lunzadi, Taatu wetu, Moyi Maria 10, Mvidi Mukulu atumbe.

Malu a kuanyina ke wowu aa:

1. Tudi tumona Yezu muambula ne musekenkeja mu bianza bipeluka bia Maria.
2. Tudi tumona Yezu muvuadika mikaya ne mukolesha mu bianza bipeluka bia mariya.
3. Tudi tumona Yezu ulonga bua kuenda, mulondesha kudi bianza bipeluka bia Maria.
4. Tudi tumona Yezu musambibua diba divuayi nkayenda mu bisaama, kudi bianza bipeluka bia Maria.
5. Tudi tumona mashi a Yezu makongoloja kuinshi kua nkuruse mu bianza bipeluka bia Maria.
6. Tudi tumona mubidi wa Yezu mufue mukongoloja mu bianza bipeluka bia Maria.
7. Tudi tumona Yezu muakidila kudi bianza bipeluka bia Maria dituku dia dibika.

Disambila dia ndekelu.

Taatu Mvidi Mukulu wetu, tudi tukulomba, ku diakuila dia bianza bipeluka bia Maria, bua utupesha, tuetu ne bana betu bonso bafue disanka dia moyo wa kashidi, bena mpekato, ubapesha bulengela bwa didilengeja; Ekeleziya webe umupesha butoka bukena mpuilu bua bibika dia muanebe Yezu Kristo, bua ikala cimanyinu cia nsankrametu, bobumue ne bupole. Amen.

DISAMBILA KUDI MVIDI MUKULU TAATU KU DIAMBULUISHA DIA BISAAMA BIA KRISTO NE DIA BIANZA BIPELUKA BIA VIRGO MARIA

1. Taatu Mvidi Mukulu wetu, tudi tukulomba; ne bupuekela bonsu tudi tukukuila mputa mitamba bunsantu ya muanebe Yezu Kristo uvuabu bakengesha ne cifulu cia meba. Mu mushindu musunguluka tudi tukulambula mputa mondoka wa ku luseka lua disu dienda dia diabaluma divua dibuikidija bua aba bonsu badi bafofomija kudi bubi ne malobeshi onsu a satana.

*Tudi tukulomba ku diambuluisha dia mabungama ne bianza bipeluka bia Maria.

2. Taatu Mvidi Mukulu wetu, Tudi tukulomba; ne bupuekela bonsu tudi tukukuila mputa mitamba bunsantu ya muanebe Yezu-Kristo uvua wenda udishinda mu njila ne bujitu bua nkuruse pa makaya. Mu mushindu musunguluke, tudi tukulambula mputa mutamba bunena wa mu lubadi luenda, bua bonsu badi bakuacibua mu bupika bua muena bubi mu meku abu, ne bua aba badi badifila ne budisuila buabu ku mianda ya ditaba. Taatu muakana, ku diambuluisha dia mashi a mushinga mukola a muanebe , avua mapatuka mu mputa wende eu, suaku ubupumuina luse ne mabenasha ebe.

* Tudi tukulomba ku diambuluisha dia mabungama ne bianza bipeluka bia Maria.

3. Tatu Mvidi Mukulu wetu, tudi tukulomba; ne bupuekela bonsu, tudi tukukuila mputa mitamba bunsantu ya Muanebe Yezu-Kristo. Mu mushindu musunguluka, tudi tukulambula mputa munene wa ku mukolu wenda wa diabaluma ku luseka lua cinu, bua bonsu babi baponesha ne batekesha kudi malu a pa buloba, kabayi mua kujuka ne kutungunuka ne luendu mu njila wa lupandu bua lubabu ne dialakana.

* Tudi tukulomba ku diambuluisha dia mabungama ne bianza bipeluka bia Maria.

4. Taatu Mvidi Mukulu wetu, tudi tukulomba; ne bupuekela bonsu, tudi tukukuila mputa mitamba bunsantu ya Muanebe Yezu-Kristo. Mu mushindu musunguluka tudi tukulambula dikaya diende ditekesha kudi bujitu bua nkuruse ne cianza ciende cia baluma cipopela pa nkuruse, bua bonsu baudi mubikila ne musungula ku dinemeka dia nsankramentu wa moyi munsantu wa muanebe, ubapesha bulengela bua dinanukila ne ubalama ku bubi bonsu. Tudi tukulomba ku diambuluisha dia lubila luenda lua dikenga luela diba dia dimupopela pa nkuruse, bua ubutula makole onsu a inferno adi manyungulukila Ekeleziya weba.

* Tudi tukulomba ku diambuluisha dia mabungama ne bianza bipeluka bia Maria.

Tusambile:

Taatu Mvidi Mukulu wetu, tangila mputa ya muanebe munanga! Tudi tukulomba, ku bukola bua mulambu wenda ne ku diakuila dia bianza bipeluka bia Maria Virgo Munsantu, bua utupikula ku bubi bonsu, ku biambamba ne ntupakanyi. Tupikula, Taatu Munsantu wa mu diulu ku bubi bua mubidi, bua spiritu ne bua anyima. Amen.

Ku ndekelu, kusambila :

* Ditabija, bua kushindika ne kukolesha ditaba dietu;

*Taatu wetu, bua kuitaba Mvidi Mukulu bu Taatu wa luse udi mutufuka ne dinanga bua dinanga;

* Moyi Maria, bua kuela Mvidi Mukulu tuasakidila bua malengela onsu adiye mupumuina Ekeleziya ne buloba bujima ku bianza bipeluka bia Maria ne ku bukola bua dituakuila diende dia bu maamu.

* Mvidi Mukulu atumba, bua kukukuila mu kandondu Busatu Bunsantu ne bumue buabu budi kabuyi kuabuluja.

NSAMUINU WA BIANZA BIPELUKA BIA MARIA

Mfumu utufuila luse
Kristo utufuila luse
Mfumu utufuila luse

Maria Munsantu, utuakuila
Muledi munsantu wa Mvudi Mukuklu, utuakuila
Mamuenda wa Ekelezia, utuakuila

Ne bianza biebe bipeluka, utulumbola Maira

Ne bianza biebe bipeluka, utuludika ku mpokolo wa mayi a moyi atudi tujnga, utulombola Maria

Patudi mu bupika bua lutambishi, ne bianza biebe bipeluke bia bupuekele, utuludika Maria

Patudi katuyi tuteleja disua dia Mvidi Mukulu, ne bianza biebe bipeluke bia butumika, utulombola Maria

Padi lukinu lukeba bua kujima dinanga, ne bianza biebe bipeluke bia dinanga, utulombola Maria

Patudi mu bipupu ne dipampakana, ne bianza biebe bipeluke biula ne bupole, utulombola Maria

Patudi tusesuka mu njila wa bulelela, ne bianza biebe bipeluke bifuimba ne buakane, utulombola Maria

Padi dipetu dijama mu meku etu, ne bianza biebe bipeluke bia buakana, utulombola Maria

Patudi mu matecibua a bukezuke ne bunonoke, ne bianza bieba bia kabumue, utulombola Maria

Mu ntatu ne makenga bia pa buloba, ne bianza bieba bipeluke bia busambi utulombola Maria

Padi budisu nkaya butusemeja kula ne bakuetu, ne bianza biebe bipeluke bia bobumue, utulombola Maria

Patudi mu buteketa katuyi ne cia kuenza, ne bianza biebe bipeluke bia bulengele, utulombola Maria

Padi moyo wetu udikanga ne meji etu apangila bukezuke, ne bianza biebe bia ditekemena, utulombola Maria

Patudi tupambuka mu njila wa moyo, ne bianza biebe bipeluka bia butumibua, utulombola Maria,

Patudi tuela meji se bionsu mbijimina ne padi ditaba dietu ditenkakana, ne bianza biebe bia ditekemena, utulombola Maria

Padi makasa etu alempa bua bjitu bua nkuruse yetu, ne bianza biebe bipeluke bia bukole, utulombola Maria

Patudi badishinda katuyi mua kujuka kabidi, ne bianza biebe bipeluke bia mulunda mulenga, utulombola Maria

Mu diba dia mateketa, ne bianza biebe bipeluke bia mabenesha, utulombola Maria

Mu cikondo cia midima ya panuapa, ne bianza biebe bipeluke bia butoke, utulombola Maria

Patudi tupua moyi ne lufu bakalubutula mu dibika dia Yezu, ne bianza biebe bipeluke bia dibika, utulombola Maria

Muan’a Mukoku wa Mvidi Mukulu, mujimij wa mpekatu ya bantu, ututeleja

Muan’a Mukoku wa Mvidi Mukulu, mujimij wa mpekatu ya bantu, utukuacishe

Muan’a Mukoku wa Mvidi Mukulu, mujimij wa mpekatu ya bantu, utufuile luse

* Tusambile:

Mvidi Mukulu wetu, wewa uvua mupandisha bantu ku didifila mu lufu dia Muanebe Yesu-Kristo, tupandisha ku bubi bonsu bua mubidi ne bua moyi. Ne kudiakuila dia Maria Virgo Munsantu ne ku bianza biende bipeluke ne bia dikuacisha, tupesha bukola bua Spiritu weba Munsantu bua mu mvunda, bipepela ne mavuala bia panu, tumona mua kushala bashindama mu ditaba munda mua Ekeleziya weba, bua tuamona mua kufika ku diakalenga dia mu diulu ne mu lumu lua bu Taatu buebe kashidi. Bualu bua Yezu-Kristo Mupandishi wetu. Amen.